Categories
All post 人物專訪 最新 - 即時新聞

【唔只整Quiz 仲識自創語言😮】
地理達人挑戰作者
翊少的狂人日記

近日網上瘋傳地理達人挑戰,不少港人挑戰過後都覺得崩潰,表示「唔L識」。 原來這份令人瘋狂的測驗是由本地創作者翊少所創立,「其實我自己都唔係題題識,尤其最後尾嗰幾個section,啲人話做到崩潰,其實你畀返我做,我都係崩潰。」

🔰與朋友聊天 偶然創作地理測驗

一次, 翊少拿著地圖與地理迷朋友傾談時,突然想考考朋友,並問其關於香港樓盤的問題,朋友覺得這個遊戲頗有趣,於是翊少就設立了這Google Form 給朋友圈子挑戰。當初,問卷只是用個人Facebook帳戶發放,但參與人數不斷攀升,遂以其Facebook專頁發放給大眾參與。意外地,目前地理達人挑戰超過30萬人參與。對這個天文數字,翊少感到「恐怖」,他表示沒有想過會有這麼多香港人會做,他驚訝道:「最近好多__達人挑戰陸續出現,感覺我好似帶咗一個新潮流出嚟,純粹係一個意外,自己冇諗過呢樣嘢,而帶出呢個新潮流,我係完全冇諗過點樣反應,冇心理準備。」而挑戰的平均分數是三至四百分左右(滿分是一千),可見此挑戰難度極高,翊少解釋:「點解前面淺到好似侮辱智商,後面嗰啲深到好似侮辱人類,其實我係想cover返路癡都玩得掂,又想睇下大師級程度嘅人,大師到咩程度。始終天外有天,所以我就出啲自己都唔識嘅嘢,睇下最犀利嘅人嘅極限到底喺邊度。」

因此,翊少用了三天,翻閱紙本地圖、維基百科、歷史書以整理這一份挑戰。他更笑言:「其實我都唔係題題識,尤其最後尾嗰幾個section,啲人話做到崩潰,其實你畀返我做,我都係崩潰。」翊少指在出題之前,他只知道有座大厦叫香港大厦,其他三個選項都是翻閱地圖索引而得知。「我就係到諗,其實香港會唔會有其他地方都係叫香港XX,跟住就睇紙本地圖啲索引,睇下香港字頭有冇啲咩啦,跟住就整咗四個答案出來啦,如果你問返我嗰啲,其實我自己都應該唔會記得。」

🔰四歲鐘情地理 至今仍堅持使用紙本地圖

從對答中,大概都可以猜想到翊少都是一個地理迷。他指自己從四、五歲就喜歡拿著紙本地圖外出,久而久之就成了用地圖去認識不同地方的習慣:「嗰時仲未有Google Map,真係好習慣攞住本地圖周街走。」翊少更分享一次有趣的旅遊經歷,「試過同朋友去日本,日本都有紙本地圖,就攞住紙本地圖去,最後好似個『地膽』咁,我明明未去過,但我反而可以好熟路咁帶佢哋由難波站啲地底鑽返出來,佢地以為我喺度住,但其實我跟住本地圖行㗎咋。」

翊少鍾情於紙本地圖的原因,全因紙本地圖比Google更加有系統和仔細 :「Google Map 好方便,好有目的性,你直接search你想要嘅目的地佢即刻話畀你聽係邊,唔洗慢慢揭開;但電話螢幕細,Google Map zoom in 就淨係睇到微觀,商場有咩舖頭。 想睇下周圍有啲咩,又要zoom out,但亦因此可能miss咗幾棟大厦同街道。相反紙本地圖嘅排版會比較統一,容易睇到呢座大厦附近有啲咩設施同其他大厦;而且 Google Map係成個地球㗎嘛,周圍碌就太隨機,難以有direction,好難突然間想random地睇一個地方係咩樣。紙本地圖就係一頁慈雲山、一頁將軍澳,將地方嘅特色帶出。」

🔰自創語言和動畫人物 由「貪得意」開始

自中學開始,翊少開始自創「翊天語」和動畫人物。翊少自小喜歡畫畫,在中五、中六時學習日語,於是就想到「如果將中文字轉做唔同語言去諗會點呢?如果跟語言學的方式會唔會創到一種語言出嚟呢?」而他的創作就是將兩樣想法合併。於是,他便嘗試根據所擁有的語言知識,嘗試為「翊天語」寫文法、創詞彙,建立字典,甚至以該語言作為背景,建立一套世界觀,以動畫的形式展示出來。

🔰為興趣返兩份兼職

翊少都表示其實在香港畫畫「好難有出路」,他有想過做同人誌,但是因為畫功一般、競爭又大,所以他過去有好多年都無畫動畫放上YouTube,直到今年才重新開始。「齋畫圖都無咩人睇,啲畫功唔係話好專業嘅時侯,咁不如試下整返影片放YouTube,貪Youtube免費又係容易access到嘅網站,會多啲人留意到,不過我都無諗過要靠呢樣嘢搵好多錢嘅。」

翊少笑言最深刻的創作經歷就是地理挑戰,「而家呢件事最深刻,以前嗰啲即刻變得濕濕粹,自從呢件事發生後,好似洗咗以前啲記憶咁,覺得以前嘅嘢無發生過咁。」雖然設立不同的題目庫頗為有趣,不過翊少仍是心繫創作,甚至為兼顧興趣,寧返兩份兼職。

 

「我本身又唔係真係想做呢樣嘢,再整地理quiz又違背咗我當初想開呢個page嘅目的。若成嗰page變做專門測試,又好似好奇怪。我都會想自己嘅創作有人睇,因為自己都會開心啲。依家畫完再加埋用Premiere去剪輯動畫,一定更加花時間同埋心機。依家返緊兩份Part Time,時間都鬆動可以做自己嘢。 如果真係講計劃,我本身諗住今年個動畫會畫到八集。」

 

訪:Hilary Mandy
撰:Hilary
美術:Mandy
編輯:Ball

#sparkyouthmedia

 

熱門文章

【牠們與她】
清河邨嫦婆婆
與兩隻小狗的故事

有些人或會因成功申請公屋而棄養寵物,惟一 …

【試當真NTR熱】
咩係NFT?
同Bitcoin有咩分別?

2021年NFT 引起咗一波熱潮,藝術家 …

【唔只整Quiz 仲識自創語言😮】
地理達人挑戰作者
翊少的狂人日記

近日網上瘋傳地理達人挑戰,不少港人挑戰過 …

Like Us On Facebook
Facebook Pagelike Widget

<script async src=”https://pagead2.googlesyndication.com/pagead/js/adsbygoogle.js”></script>
<!– 橫 –>
<ins class=”adsbygoogle”
style=”display:block”
data-ad-client=”ca-pub-1579568966216788″
data-ad-slot=”2549779472″
data-ad-format=”auto”
data-full-width-responsive=”true”></ins>
<script>
(adsbygoogle = window.adsbygoogle || []).push({});
</script>

發佈回覆

你的電郵地址並不會被公開。 必要欄位標記為 *